थोडं मनातले : मन प्रसन्न असले की ... Man prasann asle ki | Marathi audiostory in mp3

style="display:block; text-align:center;"

data-ad-layout="in-article"

data-ad-format="fluid"

data-ad-client="ca-pub-7384059194066495"

data-ad-slot="7297264882">

मन प्रसन्न असले की, मनुष्याच्या अंगी बारा हत्तीचे बळ येते,

पण बारा हत्तीचे बळ साठवून,

मन प्रसन्न करणे अवघड आहे,

नव्हे अशक्य आहे.

आपण माझ्या विधानाशी,

सहमत असाल, हो ना.?

*मानवी मन म्हणजे शक्तीचा एक स्रोत आहे. फक्त त्याला उत्प्रेरीत करता आले पाहिजे. एक प्रकार आहे बाह्यप्रेरणेचा.* 

*आणि एक आहे अंत:प्रेरणेचा.* 

*आपणा सर्वांना एक अनुभव नक्कीच आहे की, बाह्यप्रेरणा नेहमीच तात्कालिक असते, स्मशान वैराग्यासारखी.* 

*पण अंत:प्रेरणा प्राप्त झाली, तर मात्र कल्पनातीत चमत्कार घडू शकतात.* 

*अंत:प्रेरणा होण्यासाठी, मनाला त्याचा ध्यास लागणे अत्यावश्यक.!!* 

*कोणतीही गोष्ट किमान दोनदा घडते,* 

*एकदा मनात आणि एकदा प्रत्यक्षात.*

*प्रत्येक मनुष्य वेगळा आहे, त्यामुळे त्याच्या मनाची स्थिती, क्षमता,* 

*विचार करण्याची पद्धत, स्वभाव, वेगवेगळा आहे. मनाला प्रसन्न करण्याचे,* 

*प्रसन्न राखण्याचे मार्गही,* 

*भिन्न भिन्न आहेत. आपापल्या मतीगतीनुसार, प्रत्येकाने ते शोधावेत असे सुचवावेसे वाटते.* 

*आपले विचार सर्वस्वी हवामानावर अवलंबून नसतात.* 

*तसं असतं तर कडाक्याच्या थंडीत सर्वजण कामधंदा न करता,* 

*घरात बसून राहिले असते.* 

*पण तसे तर होत नाही.* 

*याचाच अर्थ आपले विचार,* 

*हे बाह्य गोष्टींवर अवलंबून नसतात. ते बहुतांशी स्वतंत्र असतात. खरंतर ते आपल्याच हातात असतात.* 

*बाहेरच्या वातावरणाचा किती परिणाम आपल्यावर होऊ द्यायचा,* 

*हे सुद्धा आपल्याच हातात असते.* 

*आपण ठरवलं तर आपले विचार आपण खात्रीपूर्वक बदलू शकतो.* 

*तसेच मोकाट विचारांना काबूत आणणे, हे सुद्धा आपल्याला प्रयत्नांती नक्कीच शक्य आहे. भरकटणाऱ्या विचारांना थांबविणे, म्हणजेच स्वतःला सावरणे होय.* 

*मनुष्य अस्वस्थ होतो,* 

*तो त्याच्या विचारांमुळेच,* 

*आणि शांत होतो, तो सुद्धा त्याच्या विचारांमुळेच,* 

*कोणते विचार निवडायचे, याचे स्वातंत्र्य मनुष्याला असते.* 

*प्रत्येक वस्तूची निर्मिती, प्रथम विचारात होते, आणि मग भौतिक रुपात.* 

*आजवर आपण जे पाहिले, त्याची निर्मिती प्रथम विचारात झाली आहे,* 

*नि मग प्रत्यक्षात झाली आहे. आपले अंतर्मन बघू शकत नाही, पण आपण जी दृश्ये त्यास दाखवितो,* 

*ती ते खरी मानते, आणि तशी स्थिती ते आपल्या मनात निर्माण करीत असते.* 

*आपण जे विचार पेरीत असतो,* 

*तेच अनंत पटीने वाढून, परत येत असतात. एक फळात किती बिया आहेत,* 

*हे आपण सांगू शकतो, पण एका बीमध्ये किती फळ आहेत,* 

*हे सांगणे कठीण असते.* 

*फक्त योग्य विचार निवडणे,* 

*ते प्रसारित करणे, आणि त्यानुसार आचरण करणे, जर मनुष्याला जमले, तर आपण सर्व समस्यांवर मात करु शकतो.* 

*हे जग जसे आहे, तसे आपल्याला दिसत नाही, तर जसे आपले विचार असतात, तसे ते आपल्या नजरेस दिसत असते.*

*एखाद्या फळ्यावर आधीच बरेच काही लिहिले गेले असेल,* 

*तर त्यावर पुन्हा लिहिणे,* 

*हे काही शहाणपणाचे लक्षण नव्हे!* 

*त्यासाठी तो फळा कोरा करणे गरजेचे.* 

*मनाचेही तसेच आहे.* 

*मनाचा फळा कोरा करण्यासाठी,* 

*रामबाण उपाय सर्व संतांनी सांगितलेला आहे.* 

*अखंड नामस्मरण...!!*

               🙏🏻🌹🙏🏻