भविष्याचा चेहरा ... | संजय धनगव्हाळ | Marathi Mp3 Thought

---

---

*आपले विचार हेच...*

*आपल्या भविष्याचा चेहरा आहे.*

*नकारात्मक विचार केला तर,*

*प्रत्येक संधीमध्ये आपल्याला अडचणीच दिसतील,*

*आणि सकारात्मक विचार केला तर,*

*प्रत्येक अडचणीमध्ये संधी* *दिसेल.*

*एखाद्या झाडाच्या फुलाला वाढण्यासाठी,*

*सुर्य प्रकाशाची जशी आवश्यकता असते.*

*तसेच...*

*आयुष्यात मानवाच्या व्यक्तीमत्व विकासासाठी,*

*चांगले विचार व नम्र संस्कारांची आवश्यकता असते.*

*रोपटे आणि मानवाला,*

*योग्य व आवश्यक गोष्टी मिळाल्या,*

*म्हणजे ते भरभरून फुलतात,*

*व खुलतात...*

*आणि समोरच्याचे लक्ष वेधून घेतात.*

*आपुलकीचे चार शब्द,*

*मनापासुन बोलता आले की,*

*आयुष्यात हितचिंतकांची,*

*कमतरता भासत नाही.*

*घड्याळाच्या गजरापेक्षा,*

*ज्यांना जबाबदारी जागं करते,*

*ती माणसे आयुष्यात,*

*योग्य दिशेने पावलं टाकत असतात.*

*सुखाच्या शोधात लोक,*

*आयुष्यभर वणवण फिरतात.*

*दमल्यावर जाणीव होते,*

*समाधानातच सुख आहे.*

*सुंदर आयुष्य सहज घडत नसतं.*

*तर ते जाणीवपूर्वक घडवावं लागतं,*

*ते म्हणजे प्रार्थनेतून,*

*माणुसकीतून,*

*त्यागातून,*

*आणि सर्वात महत्वाचे म्हणजे कृतीतून घडत असतं.*

*माणसाजवळ त्याच्या आयुष्य भराची संपत्ती म्हणजे,*

*त्याचे चांगले विचार,*

*कारण...*

*धन आणि बळ कोणत्याही माणसाला,*

*वाईट मार्गावर नेऊ शकतात,*

*परंतु चांगले विचार,*

*माणसाला सदैव उत्तम कार्यासाठी,*

*प्रेरित करीत असतात,*

*आयुष्य आनंदी ठेवायचे असेल,*

*तर स्वाद,आणि वाद,या दोन्ही गोष्टींचा त्याग केला पाहिजे.*

*स्वाद सोडला तर शरीराला फायदा,*

*आणि वाद सोडला...*

*तर नात्याला फायदा...!!*

                🙏🏻🌹🙏🏻